Peşəkar topoqrafiya və geodeziya xidmətləri ilə layihələrinizə dəqiq başlanğıc verin.

Torpaq sahəsinin döngə nöqtələrinin təyini torpaq ölçmə işlərinin əsas mərhələlərindən biridir və torpaq sahəsinin sərhədlərinin yerində (naturada) dəqiq müəyyən edilməsi üçün aparılır. Bu xidmət zamanı torpaq sahəsinin döngə nöqtələri mövcud koordinat məlumatları əsasında sahədə tapılır və geodeziya ölçmələri ilə dəqiqləşdirilir.

Döngə nöqtələrinin koordinatlarının düzgün təyini torpaq sahəsinin faktiki ölçülərinin müəyyən edilməsi, sərhədlərin dəqiqləşdirilməsi və sənədlərlə uyğunluğun yoxlanılması üçün vacibdir.

Xidmət kadastr məqsədli ölçmələr, torpaq sahəsinin sərhədinin dəqiqləşdirilməsi, alqı-satqı və digər hüquqi proseslərdən əvvəl tətbiq olunur.

Xidmətin icra mərhələləri

• Torpaq sahəsinə yerində baxış

• Döngə nöqtələrinin naturada tapılması

• Geodeziya ölçmə işlərinin aparılması

• Döngə nöqtələrinin koordinatlarının hesablanması

• Ölçmə nəticələrinin təqdim edilməsi

Tələb olunan sənəd

• Torpaq sahəsinin koordinatları göstərilmiş çıxarış

İcra müddəti

• 24 saat

Xidmət haqqı

• 4 döngə nöqtəsi üçün: 150 AZN

• Hər əlavə 1 döngə nöqtəsi üçün: 20 AZN

Qeyd

• Ölçmələr yerində (naturada) aparılır

• Xidmət mövcud koordinatlı torpaq sahələri üçün nəzərdə tutulub

• Sahəyə giriş imkanı müştəri tərəfindən təmin edilməlidir

Scan to BIM (Building Information Modeling) texnologiyası mövcud strukturların ölçülərini 3D lazer skanerləri vasitəsilə toplayaraq, bu məlumatları rəqəmsal bina məlumat modeli (BIM) şəklində çevirməyə imkan verir. Bu texnologiya ənənəvi ölçmə üsullarına nisbətən daha sürətli və dəqiqdir.

3D lazer skanerləri ilə əldə olunan məlumatlar yüksək dəqiqlik təmin edir, sahə ölçmələri bir dəfə aparılmaqla dərhal rəqəmsal formata çevrilir. Bu yanaşma layihə müddətini qısaldır və mövcud strukturların as-built sənədləşməsini asanlaşdırır. Eyni zamanda, Scan to BIM layihə iştirakçıları arasında koordinasiyanı asanlaşdırır, əməkdaşlığı gücləndirir və dəyişikliklərin izlənməsini optimallaşdırır.

Dünyada bu sahədə öndə gedən şirkətlər arasında IMAGINiT Technologies, TrueCADD, United BIM, Survey2Plan və Virtual Building Studio yer alır. Bu şirkətlər yüksək keyfiyyətli BIM modelləri, dəqiq topoqrafik məlumatlar və sürətli layihə təhvil vermə xidmətləri təqdim edir.

Scan to BIM texnologiyası ölçmə işlərində dəqiqlik, sürət və etibarlılığı artıraraq layihə iştirakçıları üçün daha şəffaf və səmərəli iş mühiti yaradır.

Binaların lazerlə skan edilməsi — bu, binanın elementlərinin yüksək sürətlə və dəqiqliklə geodeziya üsulu ilə ölçülməsi və sonradan 3D modelin qurulmasıdır. Model binanın real geometriya parametrlərini 1 mm dəqiqliklə əks etdirir və bu, layihələndirmə, rekonstruksiya və ya həcm hesablamaları üçün istifadə olunur. Emal olunmuş nöqtə buludu əsasında 2D və ya 3D model, çəkiliş və ya obyektin müəyyən kəsiyi hazırlanır. İstifadə etdiyimiz cihazlar saniyədə 2 milyon nöqtə ölçmə sürətinə, maksimum 130 metr ölçmə məsafəsinə və 1 mm dəqiqliyə malikdir.

Lazer Skan Etmənin Nəticəsi Nədir?

• Tapşırığa uyğun toplanmış nöqtə buludu faylı

• .dwg formatında 2D və 3D çəkilişlər

• Obyektin həcmli rəqəmsal modeli (.dwg formatında)

• BIM modeli

• Sahə işlərinin operativ icrası (2 günə qədər) və kameral işlərin emalı (4 günə qədər)

Lazer Skan Etmə Harada Tətbiq Olunur?

Lazer 3D skan etmə bir çox sahələrdə geniş istifadə olunur və müxtəlif obyektlərin çəkilişi və 3D modelləşdirilməsi üçün uyğundur:

• Yaşayış binaları və tikililər

• Fasad çəkilişi

• Daxili otaqların ölçülməsi

• Relyefin çəkilişi

• Qaya və sürüşmə sahələri

• Heykəllər, skulpturalar, fiqurlar və modellər

Layihələndirmə prosesində obyekt haqqında maksimal dəqiq və tam məlumatların əldə olunması vacibdir. Əl ilə aparılan taxeometrik çəkilişlər mürəkkəb memarlıq və geometriyaya malik binalarda bir sıra çətinliklər yaradır ki, lazer skan etmə bu çətinlikləri asanlıqla aradan qaldırır.

Lazer Skan Etmənin Məqsədləri və Üstünlükləri

Bu müasir metod ənənəvi taxeometrik çəkilişə nisbətən daha səmərəlidir. İşlərin daha sürətli yerinə yetirilməsini, 1 mm dəqiqliklə xırda detalların modeldə əks olunmasını, mürəkkəb memarlığa malik sənaye obyektlərinin rahat çəkilişini təmin edir.

Lazer skan etmə tətbiq olunur:

• Tikinti sahəsində

• Binaların və tikililərin müayinəsi və rekonstruksiyası zamanı

• Müxtəlif mühəndis tapşırıqların həllində

• Restavrasiya işlərində

Əldə edilən yüksək keyfiyyətli rəqəmsal modellər istənilən seçilmiş otağı və ya binanı ən kiçik detallarına qədər bərpa etməyə imkan verir.

Lazer Skan Etmə Metodunun Üstünlükləri

✅ Minimal xətalar və maksimal sürət
✅ Yüksək detallılıq. Hazırlanan 3D və 2D modellər orijinaldan fərqlənmir
✅ İnsan iştirakını minimuma endirir, təhlükəsizliyi artırır və səhvləri aradan qaldırır
✅ Ümumi xərc ənənəvi çəkiliş metodlarından daha ucuzdur
✅ Layihələndirmə sürətini artırır
✅ 1000 m²-dən böyük sahələrin skan edilməsinə imkan verir

Lazer Skan Etmənin 4 Mərhələsi

1️⃣ Texniki Tapşırıq: Obyektdə real vəziyyət öyrənilir və çəkiliş üçün dəqiq texniki tapşırıq hazırlanır. Bu, işlərin dəqiqliyini və həcmini müəyyənləşdirməyə kömək edir. Mütəxəssislərimiz rekqonsoskasiya aparmaqda və texniki tapşırıq tərtib etməkdə sifarişçiyə kömək edir. Bu, layihə işlərinin vaxtının uzanmasının və əlavə işlərin qarşısını alır.

2️⃣ Kommersiya Təklifi: Sifarişçiyə sahənin ölçüsü, skan stansiyalarının sayı, nöqtə sıxlığı və digər parametrlər əsasında kommersiya təklifi təqdim olunur. Razılaşma əldə olunduqda müqavilə bağlanır və sifarişçiyə uyğun vaxt təyin olunur.

3️⃣ Sahə İşləri: Mühəndis yerində sahə işlərini aparır. Bütün ölçülər texniki tapşırığa uyğun və Azərbaycan Respublikasının normativ tələblərinə əsasən aparılır. Lazer skan etmə üçün əsas koordinatlar seçilir, geodeziya markaları quraşdırılır və ardıcıl şəkildə 3D skan etmə həyata keçirilir.

4️⃣ Kameral Emal: Toplanmış məlumatlar qabaqcıl proqram təminatı ilə emal edilir (düzəldilir). Əldə olunmuş nəticələrdən asılı olaraq istənilən vizuallaşdırma hazırlanır. Hazır çəkilişlər və modellər sifarişçiyə təhvil verilir.

Taxeometr ilə Çəkilişin Mənfi Cəhətləri

Taxeometr ilə çəkiliş layihə və dizayn işlərinin büdcəsini artırır. Əsas səbəblər:

• Çətin çatılan hissələrin ölçülməsində çətinlik

• Kameral emalın mürəkkəbliyi, çəkilişlər və xəritələrin hazırlanması üçün uzun müddət tələb olunur

• Mühəndisin vaxt və əməyi çox sərf olunur

• Tam informasiya əldə etmək olmur

Hava Lazer Skan Etmə

Lazer skan etmənin başqa bir üsulu — PUA (pilotsuz uçuş aparatı) ilə hava çəkilişidir. Əsas məqsəd relyef və ya fasadın çəkilişi, böyük ərazilər və xətti obyektlər üçün xəritələrin hazırlanmasıdır (miqyas 1:500-dən 1:5000-ə qədər). Skanerimiz real rəngdə nöqtə buludunu əks etdirən kamera ilə təchiz olunub.

Mühəndislərimiz müasir dronlardan və aerofoto çəkiliş komplekslərindən istifadə edirlər.

Mümkünlüklər:

• 30 dəqiqəyə qədər 30 hektar aerofoto çəkiliş

• Dikey qalxma və enmə

• Məhdud sahələrdə işləmə

• Relyefi dəqiq izləmə

• -20°C-dən +50°C-yə qədər temperaturda işləmə

• Hava lazer skan etmə hündürlüyü 0,5 km-ə qədər

• Minimum dəqiqlik 5 sm

İstifadə Etdiyimiz Avadanlıqlar

• Leica RTC360 — portativ, yüksək sürətli 3D lazer skaner. Saniyədə 2 milyon nöqtə, maksimum 130 metr məsafə, 1 mm dəqiqlik və real vaxtda skanların avtomatik birləşdirilməsi.

• Leica TS07 R1000 — prizmasız 1000 metr məsafəyə qədər yüksək dəqiqliyə malik total stansiya. Avtomatik izləmə, sürətli ölçmə və sabit nəticələr.

Ölçmə işlərinin tərkibi onların kateqoriyasından asılıdır. Belə ki, memarlıq ölçüləri (fasad planaalması) zamanı en və boy kəsikləri hündürlüyü , döşəmədən pəncərə boşluqları və tavana qədər olan məsafə, otaqlardakı diaqonalların uzunluqları ölçülür və binanın profili tərtib edilir. Tikinti zamanı divarların və tavanların materialı əlavə olaraq dəqiqləşdirilir, yükdaşıyan konstruksiyalar müəyyən edilir, kommunal xətlər ölçülür. İşin nəticələrinə əsasən akt tərtib edilir, ölçmə cizgiləri çəkilir və tədqiq olunan obyektin elektron 3D modeli yaradılır.

İş zamanı divarların və arakəsmələrin, qapı və pəncərə açılışlarının və santexnika avadanlığının ölçüləri və nisbi mövqeləri müəyyən edilir və otaqların sahəsi hesablanır. Ölçmələrin nəticələrinə əsasən, texniki plan tərtib edilir. Daxili məkanı təşkil etmək üçün asma tavanın parametrlərini göstərən, həmçinin elektrik naqillərini və aşağı cərəyan xətlərini, elektrik, kompüter və telefon prizlərini, ventilyasiya sistemlərini əks etdirən cizgilər tələb oluna bilər.

Daxili ölçülər:

1. Binaların izahatlarının tərtib edilməsi

2. Binaların mərtəbə planlarının tərtib edilməsi

Fasad ölçüləri:

1. Fasad planlarının tərtib edilməsi

2. Binaların profillənməsi

Obyekt ,torpaq sahələrinin və tikililərin həndəsi parametrlərini müəyyən etmək üçün ölçülür. Layihənin tərtib edilməsi, eləcə də mövcud layihənin yenilənməsi üçün ölçü işlərinə sifariş verilir.Servisimiz kommunal xətlərin (boru kəmərlərinin, elektrik şəbəkələrinin), tikinti sahələrinin, karxanaların, landşaft dizaynı üçün ərazilərin ölçü işlərini həyata keçirir.